Ish-futbollsitët e Mançester Junajtid nuk e kanë pritur mirë humbjen që “Djajtë” pësuan në stadiumin e tyre kundër Juventusit. Një kritik i ashpër ka qenë ish-mesfushori Pol Skolls, tashmë në rolin e opinionistit.2_
“Juventusi e dominoi takimin në çdo drejtim. Ka një hendek të madh në cilësi. Kur futbollistët e Junajtid kishin topin dukeshin shumë nervoz. Ndoshta Murinjo mund të jetë i kënaqur, por kur sheh këtë ndeshje të vjen turp dhe nuk mund të pajtohesh me këtë situatë. Juventusi mund të fitojë Ligën e Kampionëve, ndërsa kur sheh Junajtdin e kupton se kjo skuadër nuk mund të shkojë gjëkundi. Megjithatë unë nuk do ta largoja Murinjon sepse ka eksperiencën e duhur.” komentoi Skolls.
Rio Ferdinant ka shkuar edhe më tej. “ Nëse do ta përshkruanim këtë ndeshje me pak fjalë do të thoja se po luanin burrat kundër fëmijëve. Juventusi ishte superior.” ishte komenti i ish-mbrojësit.
