Revista britanike “Four Four Two” ka zgjedhur pesëdhjetë trajnerët më të mirë në vitin kalendarik 2018, ku natyrisht nuk mungojnë suprizat.
Befasia më e madhe është padyshim emri i Jose Mourinhos, i cili po vuan shumë ecurinë negative të Manchester United. Portugezi poziciohet në mesin e tabelës, pra i 25-ti, shumë larg pritshmërive.
Vendin e parë e mban pa diskutim Pep Guardiola, i cili vazhdon të çmend me futbollin e tij në Ligën Premier.
Në vendin e dytë është Zinedine Zidane që aktualisht është pa skuadër, i ndjekur nga Diego Simeone dhe Massimiliano Allegri i Juventus. Vetëm vendi i gjashtë për trajnerin kampion bote, Didier Deschamps, ndërsa para tij gjendet tekniku i Liverpool, Jurgen Klopp.
