Tek Spanja ka nisur një epokë e re!
Luis Enrique po përpiqet që të lërë gjurmët e tij në drejtimin “La Furia Roja” dhe këtë ka zgjedhur që ta bëjë në të gjitha aspektet, jo vetëm për çështje teknike në fushën e lojës. Përpara miqësores ndaj Uellsit dhe për takimin me Anglinë për Ligën e Kombeve, trajneri ka publikuar listën e lojtarëve të grumbulluar dhe ajo që të gjithëve u ka tërhequr vëmendje është mënyra se ai preferoi që të prezantonte futbollistët.
Jo më një fletë formati ku shkruhej e zeza mbi të bardhë emrat e lojtarëve…Enrique ka shkuar në dhomën e zhveshjes dhe ka vënë në raft fanellat e gjithë lojtarëve të grumbulluar.
Një mënyrë shumë e veçantë dhe shumë atraktive, që me siguri do të nxisë të gjithë trajnerët e kombëtareve të tjera të heqin dorë nga ai formati klasik i prezantimit të listës së lojtarëve të grumbulluar.
Tani mund të themi që sfida është e hapur…