Pak minuta më parë mediat italiane ka shkruar se qendërmrojtësi i Bayern Munich Mats Hummel ka marrë një ofertë nga drejtuesit e “Zonjës së Vjetër”. Edhe pse me rikthimin e Bonuçit ky repart është mbuluar më së miri te kampionët, këta të fundit po mendojnë për të ardhmen.
Hummel është emri i cili përflitet se mund të kalojë në merkaton e janarit te skuadra e Juventusit. Mediat italiane e bëjnë fakt të kryer, pasi theksojnë se ky kalim është në interes të të dyja palëve.
Nga njëra anë skuadra italiane kërkon siguri dhe eksperiencë, detaj që gjermanit nuk i mungon dhe nga ana tjetër, 29-vjeçari kërkon më shumë minuta aktivizim. Këto mund të jenë arsye që kanë shtyrë të dyja palët të nisin bisedimet për arritjen e një marrëveshjeje në merkaton e ardhshme.
