Rikthimi i Zlatan Ibrahimoviç te Milani është vetëm një hipotezë e mediave. Është vetë agjenti i sulmuesit, Mino Raiola i cili e ka hedhur poshtë këtë konkluzion, duke theksuar se mes tij dhe kuqezinjve ka pasur kontakte por që nuk kanë të bëjnë fare për suedezin.
“Ne kurrë nuk u ulëm për një sekondë për të folur për Ibrën në Milano. Ne jemi duke bërë shumë takime me klube të ndryshme, por asgjë me Milanin.,”-tha agjenti për “Oraicon.it”.
Gjatë ditëve të fundit sulmuesi i LA Galaxy u përfol shumë për një rikthim te Milani, një fakt që i pëlqej shumë drejtuesve kuqezi, por duket se e vërteta është komplet ndryshe. Ibrakadabra luajti për Milanin nga viti 2010 deri në 2012, ku regjistroi rreth 61 paraqitje dhe shënoi 42 gola.
