Jo vetëm Interi dhe Milan në Serinë A, por edhe një tjetër ish-skuadër kërkon sulmuesin suedez Zlatan Ibrahimovic. Bëhet fjalë për Manchester United, që është në kërkim të dëshpëruar të një lideri në fushë dhe trajneri Jose Mourinho kërkon të rikthejë në “Old Trafford” 37-vjeçarin, që aktualisht luan në MLS, me LA Galaxy. Lajmin e ka konfirmuan ESPN, sipas së cilës trajneri portugez ka kontaktuar personalisht me Ibrahimovic, duke i kërkuar që të rikthehet e Manchester United dhe në Premier League në merkaton e janarit.
Alexis Sanchez nuk po bind, ndërsa Romelu Lukaku po shënon me pikakore, ndaj dhe përvoja e Ibrahimovic do të ishte e rëndësishme për United, që ndodhet në një krizë rezultatesh këtë sezon në Premier League. Ibrahimovic luajti dy sezone në Angli me skuadrën e United, duke realizuar 17 gola në 33 ndeshje, ndërsa këtë vit, vetëm në 25 ndeshje me LA Galaxy, sulmues ka realizuar 21 gola, duke treguar se nuhatja për golin nuk i ka ikur pavarësisht moshës. Ndaj dhe Mourinho beson se rikthimi i tij do ta ndihmojë për të dalë nga kriza.
