Pasi ka shpenzuar pothuajse gjithë jetën në San Paolo, Rodrigo Caio duket se është vënë përball zgjedhjes që mund t’i komplikojë jetën. Të vijojë karrierën e tij në shtëpi ose të marrë një aeroplan dhe të fluturojë për një sfidë të re. Milan-i po i bën gjykimin, duke përshpejtuar tratativat sepse gjendja e Caldara-s nuk është premtuese, pasi duhet që të qëndrojë gjatë jashtë fushës.
Kostot shkojnë në 15 milion euro, Leonardo nga ana e tij po bën gjithçka për të hedhur të zezën mbi të bardhë. Nga pikëpamja burokratike nuk ka shumë pengesa, sepse Rodrigo Caio Coquette Russo ka pasaportë italiane
I lindur më 17 gusht të vitit 1993 në Dracena të San Paolo-s, është rritur në sektorin e të rinjve të San Paolo-s, ndërkohë që në karrierën e tij ka bërë përherë rolin e mbrojtësit të qendrës, teksa mund të luajë dhe në pozicionin e mesfushorit të qendrës. Me fanellën e San Paolo ai arriti që të fitojë Kupën e Amerikës së Jugut në vitin 2012.
Mbi të gjitha, kjo nuk është hera e parë që duhet të zgjedhë mes Brazilit dhe Europës. Në vitin 2015 u kërkua nga Valencia për 12.5 milion euro, por më pas pati një problem në gju që ndikoi në prishjen e marrëveshjes. Në janar të këtij viti pati një tratativë të hapur me Zenit Shën Petërsburg dhe në verë u kërkua nga Lazio që donte zëvendësuesin ideal të De Vrij. Bënte pjesë në listën me 35 lojtarë që Tite përzgjodhi për Botërorin e Rusisë, por qëndroi në shtëpi. Tani është gati që të fluturojë.
