Dëmtimi që Lionel Messi pësoi gjatë ndeshjes kundër Sevillës ka bërë që “beteja” e së dielës mes Barcelonës dhe Real Madridit të jetë e para në 11 vite, ku nuk do të marrin pjesë as argjentinasi e as Cristiano Ronaldo.
Aq shumë kohë ka kaluar që nga ajo ndeshje, sa që Wesley Sneijder dhe Andreas Iniesta atëherë kishin flokë.
Hera e fundit që një El Clasico ishte zhvilluar pa këta të dy kishte qenë në vitin 2007, të cilin e kishte fituar Real Madridi me rezultat 1-0, përmes golit të shënuar nga Julio Baptista.
Messi do të mungojë në ndeshjen e së dielës për shkak të lëndimit që e pësoi në ndeshjen e së shtunës kundër Sevillës, ku pasi ra në tokë në një mënyrë të papërshtatshme e theu krahun e djathë. Ai pritet të mungojë në ndeshjet e tri javëve të ardhshme.
Ndërsa, mungesa e Ronaldos vjen pasi ai u transferua te Juventusi gjatë merkatos së verës.
Para ndeshjes së vitit 2007 Real Madridi kishte qenë lider i La Ligës, me katër pikë më shumë se Barcelona, këtë herë gjërat kanë ndryshuar.
Ndryshimi mes dy klubeve përsëri është vetëm katër pikë, por kryesues tani janë katalanasit.