Elseid Hysaj ishte një ndër futbollistët më të rëndësishëm të Napolit të Maurizio Sarrit, me mbrojtësin e kombëtares shqiptare që ishte titullar fiks.
Por ndryshimi në hierarkinë e klubit, ka bërë që Hysaj të humb terren te Napoli dhe rrjedhimisht të dal jashtë planeve të Carlo Ancelotti. Një fakt që është pohuar nën zë edhe nga agjenti i mbrojtësit, Mario Giuffredi. Megjithatë sipas portalit italian “Napoli Page” është Giuffredi që po e shkatërron karrierën e mbrojtësit.
“Agjenti i tij nuk po e bën punën mirë. Ai donte ta çonte Hysajn në Londër gjatë verës.Së shpejti Malcuit do të zhvillohet, ndërsa për Hysajn faji i vetëm është i agjentit të tij, i cili me deklaratat që bënte shkatërroi mjedisin dhe qetësinë e lojtarit”, shkruan media italiane.
Hysaj është kthyer në një alternativë te Napoli i Ancelottit, me teknikun italian që nuk e ka aktivizuar shqiptarin në dy takimet kyçe në Champions, atë ndaj Liverpool e PSG.
