Sulmuesi i Genoa, Krzysztof Piatek, bëhet futbollisti i parë në Serie A, që pas Christian Vieri në vitin 2002, që e nis kampionatin duke shënuar gol në secilën prej shtatë javëve të para. Piatek shënoi, në ndeshjen që ekipi i tij humbi 3-1 ndaj Parma, atë që ishte goli i nëntë për të në Serie A, ku debutonte pikërisht sivjet.
Duke llogaritur edhe katër gola ndaj Lecce në Kupën e Italisë, polaku ka realizuar 13 gola në 8 ndeshje zyrtare me ekipin kuqeblu. Nëse vazhdon me këto ritme ai do të bëhet golashënuesi më i parë i Serie A, i pari me fanellën e Genoa, sepse kjo skuadër nuk e ka pasur kurrë një “bomber” në majë, edhe pse është klubi më i vjetër në Itali.
Me këto paraqitje dhe rekorde, Piatek ka përfunduar në “radarin” e Bayern Munich, që mendoj ta marrë në skuadër për të zëvendësuar bashkëatdhtarin Robert Lewandowski.
Për 23-vjeçarin janë interesuar edhe Barcelona, Juventus, Borussia Dortmund dhe Inter…
