Manchester United është duke përjetuar një moment kaosi total, sepse tashmë është e qartë që askush nuk e merr vesh i pari të dytin dhe Jose Mourinho e ka humbur kontrollin e skuadrës. Vetëm 10 minuta, kaq i janë dashur Newcastle-it për të dërrmuar United, me golat e Kenedy e Muto në minutat 7 e 10.
Mbrojtja e “Djajve të Kuq” një katastrofë totale: në golin e parë Ayoze Perez bëri çfarë dëshironte në mbrojtjen kundërshtare dhe më pas pasoi te Kenedy, i cili mposhti De Gean me një trajektore të bukur.
Më pas, Yoshinori Muto shënoi golin e tij të parë me fanellën e Newcastle, duke dhuruar spektakël për faktin se mbrojtësit e United ishin si statuja dhe gjuajtja e japonezit e gjeti të papërgatitur De Gean, i cili reagoi shumë keq, duke mos e shmangur dot golin.
Tifozët e Newcastle këndojnë: “Do largohesh nesër në mëngjes”, ndërsa Mourinho tashmë dëgjon fishkëllima nga gjithë stadiumi.
Manchester United 0-2 Newcastle United
Muto 10' pic.twitter.com/MKD0EY2scg
— PL Goals (@PLGoals1) October 6, 2018
