Arsene Wenger mund të rikthehet sërish në botën e futbollit, kësaj herë të gjigantët e Ligue 1 Paris Saint-Germain.
Skuadra franceze mendon të zgjedhë ish-trajnerin e Arsenal si drejtorin e tyre të ri sportiv. Trajneri i PSG, gjermani Thomas Tuchel nuk ka një raport të mirë me drejtorin aktual sportiv të skuadrës Antero Henrique. Kohët e fundit midis të dyve ka pasur vetëm diskutime dhe mosdakortësi. Me Wenger PSG kërkon që të mbushë boshllëkun që është krijuar midis Trajnerit dhe bordit drejtues.
Francezi po shijon momentet jashtë futbollit pas largimit nga Arsenal, të cilin e drejtoi për plot 22 vite. Kjo ofertë nga Franca do ta joshte ish-teknikun për një rikthim të mundshëm.
