Liverpool ka dominuar ndeshjen e javës së 10-tëduke marrë një fitore bindëse 4-1 ndaj Cardiff. Të kuqtë kanë treguar edhe njëherë pse konsiderohen favoritë për të ngritur trofeun e Premier League me një tjetër paraqitje nënshtruese në Anfield. Vendasit e nisën mirë ndeshjen dhe gjetën golin e avantazhit që në minutën e 10’ falë Mohamed Salah, i cili duket se është rikthyer ai i sezonit të kaluar.
Goli nuk i zbuti ambiciet e Liverpool, teksa lojtarët e Klopp vazhdonin të sulmonin si të çmendur portën kundërshtare për të gjetur golin e sigurisë duke dominuar si asnjëherë më parë në mbajtjen e topit.
Pas gjysmë ore lojë, përqindja ishte 85%-15% në favor të Liverpool. Gjithsesi goli i dytë erdhi vetëm në minutën e 66’ me Sadio Mane. Pas atij momenti vendasit sikur e ulën disi ritmin dhe e pësojnë në minutën e 77’ pas një momenti pakujdesie në zonë. Goli u shënua nga Paterson. Por Liverpool shënoi dy gola të shpejtë me Shaqirin dhe Mane duke siguruar fitoren që i ngjit në vendin e parë të renditjes së Premier League.
