Kimi Raikkonen nuk përdor diplomaci kur është puna për të thënë të vërtetën dhe flet hapur se përse sporti i Formula 1 nuk është më i ndjekur dhe i bukur si dikur. Piloti finlandez i Ferrarit, një prej veteranëve të këtij sporti që ende piloton në pistat e Formula 1, tha: “Të jem i ndershëm, mendoj se në media sot thuhen e shkruhen shumë idiotësira, histori e gossip, apo gjëra pa kuptim, pa të cilat Formula 1 do të ishte një sport edhe më i bukur”.
Më tej, Raikkonen, që vitin tjetër do të pilotojë makinën Sauber Alfa-Romeo, shton: “Njerëzit sot pyesin se përse kjo Formula 1 sot nuk është argëtuese dhe se përse interesimi ka rënë kaq shumë. E vërteta është se sot shumë absurditete po përpiqen të fshihen, ndaj dhe ky sport po vuan. Nëse do të përdornim më pak budallalëqe dhe më shumë gjëra aktuale, të vërteta, sporti ynë do të ishte shumë herë më i mirë”.
