Lojtari i Partizanit Lorenc Trashi njihet shumë për shpirtin e tij të garës dhe për kontributin e jashtëzakonshëm që po jep për Partizanin sidomos këtë sezon.
Ai ishte në fushë përsëri sot si titullar në ndeshjen e fituar 1-0 ndaj Kukësit, pavarësisht se gjendja e tij shëndetësore nuk ishte më e mira. Këtë e ka zbuluar vetë trajneri i të kuqve Skënder Gega, i cili i ftuar në emisionin “Rubrika Sportive” në RTSH është shprehur se ai ka dy ditë me serume.
“Nëse më lejohet ta them Trashi ka dy ditë që ushqehet me serume, por sot ishte në fushën e lojës për ekipin”, ishin fjalët e teknikut Gega.
