Lewis Hamilton me Mercedes e ka nisur me këmbën e mbarë këtë fundjavë në pistën e Austin, ku të dielën do të zhvillohet gara e Çmimit të Madh të Amerikës në Formula 1. Kryesuesi i Botërorit ka qenë më i shpejti në pistë në sesionin e parë, duke dhënë kohën 1’47”502 edhe pse shiu që ra pothuajse gjatë gjithë kohës e bëri të vështirë zhvillimin normal të provave të lira. Në vendin e dytë u klasifikua shoku i tij i skuadrës, Valtteri Bottas.
Në vijën e dytë të nisjes sot u klasifikuan dy makinat Red Bull, me Max Verstappen që la pas australianin Daniel Ricciardo, ndërkohë që zhgënjeu Ferrari. Dy pilotët e “kokëkuqes” u klasifikuan në vendet 5-6, me Sebastian Vettel që dha një kohë më të mirë se ajo e shokut të tij të skuadrës, Kimi Raikkonen. Në “top 10” u klasifikuan edhe Sainz, Grosjean, Leclerc dhe Ericsson.
Por ky sesion i parë u kushtëzua nga shiu që ra për 90 minuta, duke detyruar pilotët të kalojnë shumicën e kohës në bokse. Hamilton zhvilloi vetëm 6 xhiro, Bottas 7, dy pilotët e Red Bull nga 9 xhiro, ndërsa Vettel 18 e Raikkonen 20 xhiro. Por britaniku i Mercedes ishte i pakapshëm, pasi Red Bull ishte më shumë se 1 sekondë i avashtë, ndërsa Ferrari gati 2 sekonda.
FP1 CLASSIFICATION (90/90 MINS)
The Mercedes pair lead the way, with the Red Bulls and Ferraris in tow#USGP 🇺🇸 #F1 pic.twitter.com/8reAoUczqR
— Formula 1 (@F1) October 19, 2018