Që Barcelona nuk po kalon një moment të mirë duket dhe nuk ka vend për dyshime. Këtë gjë po e tregon forma e dobët e katalanasve ku në 3 ndeshjet e fundit kanë grumbulluar vetëm 2 pikë. Por, problemet nuk kanë të ndalur në kampin “blaugrana”.
Sipas emisionit sportiv në Spanjë “El Chiringuito”, thuhet se Messi nuk flet me Gerard Pique qëndërmbrojtësin e ekipit. Ata në seancat stërvitore nuk komunikojnë dhe duket marrëdhënia e ftohtë që kanë me njëri-tjetrin. Shkaku ësht se mbrojtësit spanjoll nuk po i pëlqen që Messi nuk po bën më shumë për ekipin në aspektin mental dhe se ai nuk flet për mediat.
Pique beson se Messi e bën një gjë të tillë vetëm kur luan me kombëtaren e Argjentinës.Nga ana tjetër “pleshti” beson se forma e keqe që po kalon ekipi katalanas është faji i repartit të mbrojtjes e cila pëson gol thuajse në çdo ndeshje.
