Futboll Premier League Sport

TIPIK SHQIPTAR/ MUSTAFI zbulon varësinë: Shikoja çdo ditë në televizion seri me…

Kampion i botës me Gjermaninë në 2014-ën, por më pas i paaftë për të vazhduar në nivele të larta me “Die Mannschaft”, edhe pse luan te një klub i madh europian si Arsenal, Shkodran Mustafi është një nga protagonistët e momentit të mirë që po kalojnë “Topçinjtë”, të cilët e nisën me dy humbje në kampionat nën drejtimin e Emery. Paraqitjet e mira të qendërmbrojtësit janë akoma më mbresëlënëse duke parë stilin e jetës që ndjek ai.

Jetë nate? Jo, sepse “mëkati” që Mustafi i lejon vetes është shtëpiak, por po aq i dëmshëm. Mbrojtësi me origjinë shqiptare, në fakt, ka zbuluar në faqen zyrtare të klubit në internet se është i fiksuar me seritë televizive. Ka lindur gjithçka rastësisht, por më pas…: “Verën e kaluar, gjatë grumbullimit, kam zbuluar Prison Break, – ka kujtuar Mustafi. – Ishim në Australi dhe unë isha zgjuar, teksa të gjithë të tjerët po flinin. Nuk kisha asnjë me kë të kaloja kohën dhe e vetmja gjë që mund të bëja isha të shikoja seritë, paradite dhe në mbrëmje…”.

Subjekti e ka bërë për vete Mustafi-n: “Edhe nëse në mëngjes kishim stërvitje, unë qëndroja zgjuar deri në tre të mëngjesit për të shikuar episodet. Çdo natë i thoja vetes se do të flija herët, por rrija deri natën vonë…”. Një varësi e vërtetë, që duket se nuk po ndikon te rendimenti i lojtarit, i cili ka luajtur në të gjitha ndeshjet e Premier League në këtë sezon, nga minuta e parë tek e fundit. Ndoshta për meritë të “Prison Break”…

Related posts

SHËNOI NË DEBUTIM ME LECCEN/ Mbrojtësi i Kombëtares dëmtohet ndaj ish-skuadrës ku spikati

Delo.autor

MERKATOJA E JANARIT/ Nuk ka hapësirë në formacion, Laçi huazon sulmuesin te… Erzeni

Delo.autor

REAL MADRID – CSKA MOSKA/ “Los Blancos” kërkon hakmarrjen ndaj rusëve (FORMACIONET ZYRTARE)

Isa.Autor

Leave a Comment