Kukësi ka dalë i humbur nga supersfida ndaj rivalit kryesor të viteve të fundit në garën për titullin kampion, Skënderbeut, por presidenti i verilindorëve, Safet Gjici nuk e ul kokën. Përkundrazi, me kokën lart, kreu i klubit të Kukësit, duke pranuar zhgënjimin për disfatën, i qëndron strikt objektivit sezonal.
“Patjetër që jam i zhgënjyer, sepse nuk fituam. Gjithsesi, ne nuk luajmë nga objektivi ynë, Kukësi është gjithmonë pretendent për titullin. Në garën për titull nuk ka më rivalë të fortë apo të dobët”, deklaroi presidenti i skuadrës së Kukësit, Safet Gjici në përfundim të ndeshjes ndaj Skënderbeut, të fituar nga korçarët me rezultatin 1-0.
