Futbolli është një terren ku pikëpamjet politike dhe nacionaliste shpalosen lehtësisht. Së fundmi, qeveria e futbollit europian UEFA, duke ndjekur dhe situatën politike në rajonin e Ballkanit, ka vendosur që Kosova të mos përzgjidhet në asnjë short të përballet me Serbinë dhe Bosnje Hercegovinën duke marrë parasysh marrëdhëniet e tensionuara politike që ekzistojnë prej vitesh.
Duke marrë shkas nga incidentet e ndeshjes eliminatore për kampionatin europian të 2016 midis Shqipërisë dhe Serbisë (14 tetor 2014), UEFA “ka nxjerrë mësime” nga zgjedhjet e së kaluarës dhe tani impenjohet në shmangien e shpërthimeve të konflikteve politike në ndeshjet ndërkombëtare të futbollit.
