Mauro Ikardi ishte heroi i Interit të dielën kur shënoi në fundin e takimit dhe tregoi se ai është udhëheqësi i kësaj skuadre. Megjithatë, agjentja e tij, por në rradhë të parë bashkëshortja, Vanda Nara, ka komentuar fiksimin e argjentinasit përpara derbit. Nara është e ftuar e zakonshme në emisionin sportiv “Tika Tika”.
“Interi dominoi takimin dhe e fitoi me meritë. Ikardi beson gjithnjë deri në fund dhe po ta pyesnin në minutën e 90-të, përsëri do të thoshte që fiton Interi. Mendoj se ai duhet të qëndroi më shumë në zonë. Kishte gjithë javën që më fliste për rekordin e Vierit dhe dëshironte ta kalonte. Ishte një stimul i rëndësisshëm dhe ai ia doli mbanë. Interi nuk është shumë larg Juves dhe duket se po e ndjekin mirë Spaletin”, përfundoi bashkëshortja e sulmuesit zikaltër.
