Mbrojtësi i PSG-së Dani Alves ka folur për “Sky Sport”, duke thënë gjëra interesante dhe që nuk ngelen pa u komentuar. Braziliani ka qenë një nga pikat më të forta të Barcelonës të Pep Guardiolës. Ai zhvilloi tetë sezone në Katalunjë, duke fituar gjithçka. Shpesh herë ai flet hapur dhe trondit me deklaratat e tij.
Këtë herë ka folur për bashkëpunimin e tij me Pep Guardiolën. “Pep është trajneri më i mirë me të cilin kam punuar. Të punosh me të është diçka më e mirë se të bësh seks. Në momentet e rëndësishme ai është absolutisht një gjeni. Di t’i bëjë lojtarët të kuptojnë saktësisht atë që duhet të bëjnë. Në disa raste na ka bërë të fitojmë thjeshtë, duke ndjekur udhëzimet e tij të shkruara në letër”- ka pohuar mbrojtësi brazilian.