Ousmane Dembélé vazhdon të jetë në qendër të mediave në Spanjë dhe Francë, këto ditë pushimesh të klubeve, për shkak të angazhimeve të kombëtareve. Katalanasja “Sport”, ditën e sotme, siguron se mesfushori francez e ka një ultimatum mbi tryezë: në qoftë se nuk ndryshon qëndrim, mund të lihet jashtë fushave të blerta në javët e ardhshme.
Valverde nuk e konsideroi dënim kundër Betis, duke e lënë atë jashtë skuadrës, por kjo situatë mund të zgjatet pafundësisht, nëse lojtari nuk ndryshon zakonet e tij të këqija, të pranuara si të tilla tashmë edhe nga vetë trajneri i Francës, Didier Deschamps.
Ultimatumi i ri për Dembele është lajmi më i evidentuar në faqet e para të mediave katalanase, të hënën. Edhe “Mundo Deportivo” e ka në faqe të parë situatën e francezit në “Camp Nou”. Ajo, gjithashtu, flet për një “ankand” mes De Jong dhe De Ligt, lojtarët të theksuar me të kuqe në axhendën e Pep Segura.
