Skuadra e Manchester City ka arritur të fitojë duelin me Tottenham dhe Barcelona për të marrë talentin 21-vjeçar të kombëtares holandeze, Frenkie De Jong. Sipas “Mirror”, mesfushori që luan me skuadrën e Ajax në kampionatin holandez do të luajë me “qytetarët” sezonin tjetër.
Ajax ka pranuar një ofertë prej 65 milionë eurosh të paraqitur nga skuadra e City, që e konsideron talentin holandez si zëvendësuesin e brazilianit Fernandinho. Ndaj pritet që De Jong të nënshkruajë një kontratë 5-vjeçare me kampionët e Premier League.
Transferimi i mesfushorit të kombëtares holandeze do të kryhet verën e ardhshme. Në garë për të marrë De Jong ishin edhe Spors e Barcelona, por që nuk arritën të bindin lojtarin e Ajax.
