Si asnjëherë tjetër, “Santiago Bernabeu” ishte kundër Sergio Ramos dhe shokëve të tij. Ramos, Marcelo dhe Modric kanë mbi supe peshën e rëndë të një Real Madrid që dinte vetëm të fitonte. Perfomanca e tyre në rënie, mosmarrëveshja në dhomat e zhveshjes, deklaratat në media, mbyllja e derës për Antonio Conte dhe një kohë e gjatë pa rezultate pozitive kanë ushqyer Madridin kohëve të fundit.
Te “Los Blancos” po kërkojnë blerje të reja, por tek ta po shfaqet një problem edhe më serioz: të jenë në gjendje që të mbajnë yjet e skuadrës. Luka Modric është një prej futbollistëve që ka oferta të shumta, nga Premier League, nga MLS, Seria A ku Inter ka qenë më “kokëforti”, por së fundmi interes për të ka shfaqur edhe Juventus. Kampionët italian kanë në qendër të vëmendjes kroatin, për të përforcuar një ekip me Cristiano Ronaldon që kërkon shumë.
Marrëdhënia e nënkampionit të botës me portugezin në fushë ishte e jashtëzakonshme dhe situata jo e mirë e Real Madrid mund të jetë një shtysë për Modric të lërë “Santiago Bernabeu”.
