Juventus është një nga skuadrat që punon më shumë në zbulimin e talenteve të rinj dhe që përqendrohet shumë tek të rinjtë italian. Kështu, për ta konfirmuar këtë gjë, “Zonja e Vjetër”, me Paratici-n në krye, i kanë vënë syrin tre lojtarëve që luajnë në Serinë A.
Në ndeshjen e fundit në kampionat kundër Milani-t, italiani i vetëm në formacionin titullar ishte kapiteni Georgio Chiellini. Shumë pak për një ekip që, siç thuhet, i ka dhënë shumë kombëtares italiane.
Nëse emri i Frederico Chiesa, sulmuesit të Fiorentina-s, vazhdon të jetë në krye të listës, ata të Nicolo Barella (Cagliari), dhe Sandro Tonali (Brescia), janë emra të rinj. Për sa i takon të parit, Fiorentina ka kërkuar 60 milionë euro për ta lënë të lirë, një shumë e konsideruar e lartë nga Juventus.
Ndërkohë, për Barella intersohet edhe Inter me Roma. Ai ka një çmim më të pranueshëm prej 40 milionë eurosh. Në fund, për djaloshin e talentuar të Brescia-s, i quajtur si “Pirlo i ri”, vlera nuk është përcaktuar akoma pasi është ende i ri, por me perspektivë të madhe.
Kështu, Massimiliano Allegri mund të ketë në dispozicion një skuadër të rinovuar, të rinj dhe sigurisht më shumë italian.
