Në 22 dhjetor në Tiranë do të zhvillohet një ndeshje interesante boksi midis shqiptar Armand Cullhaj dhe rivalit boshnjak Slavisa Simeunovic. 28-vjeçari nga Tirana është kampion i Europës në fuqi në kategorinë e peshave të mesme. Culhaj stërvitet prej vitesh në Gjermani dhe ndaj boshnjakut ka avantazh të madh duke krahasuar rekordet e të dyve (Cullhaj 25 fitore dhe 6 humbje; Simeunovic 31 fitore, 34 humbje).
“Kam dashur gjithnjë të ndeshem në Shqipëri atje ku kam familjen dhe shumë miq e fansa. Ja kjo po më realizohet pas kontakteve që kam pasur me promotorin e eventit Adriatik Cami. Ai pranoi që unë te jem pjesë e një eventi të madh si kjo. Pastaj, me ndihmën e menaxherit për sporte luftarake, Avdyl Salihu kjo ndeshje u bë e mundshme. Falënderoj publikisht për mundësin që po më jepet dhe ju premtoj se do të bëj spektakël në Tiranë”, u shpreh Cullhaj.
