Nuk kanë të sosur problemet për legjendën e ekipit të Barcelonës, Ronaldinjo Gauço. Pas lënies së futbollit braziliani është përballur me shumë akuza nëpër gjykata, duke shfaqur probleme të shumta financiare. Siç raportojnë mediat italiane ditët e fundit, Dinjos i janë konfiskuar disa sende me vlerë ku bëjnë pjesë makina luksoze, pikturat e shtrenjta, televizorin dhe gjëra të tjera me vlerë.
Ronaldinjo thuhet se ka shkelur ligjin bashkë me vëllain e tij edhe gjykata thuhet se meqë ish-futbollisti nuk pagoi gjobën sepse kishte vetëm 6 euro ne banke, atij ju konfiskuan pronat. Dyshime të forta kanë lindur nga Prokuroria se Ronaldinjo po tenton t’i fshehi pronat me qëllimin e shmangies së pagimit të gjobave.
