Goli i anulluar i ish-futbollistit të Milanit Sulley Muntarit në 2012 në supersfidën ndaj Juventusit nuk do të harrohet për një kohë të gjatë nga tifozët e Milanit. Ganezi realizoi një gol tërësisht të rregullt, por arbitri i takimit e konsideroi të pavlefshëm duke e lënë ndeshjen në barazim.
Sot pas 6 vitesh, ish-drejtori i përgjithshëm i “Djallit” Adriano Galliani i është kthyer sërish atij episodi që ndikoi dhe te gara për titullin kampion. Ai deklaroi se në rast do të përdorej sistemi Vizual i Asistimit të Arbitrit (VAR), goditja e ganezit do të akordohej si gol i rregullt.
“E pashë Tagliaventon te ndeshje Monza-Ternana, sepse punon te Ternana në këtë moment. Bëmë shaka me të. Sigurisht, VAR-i ka eliminuar shumë gabime në gjykim. Ndosha me golin e Muntarit historia e futbollit italian do të ndryshonte, por tani ccdo gjë është e parëndësishme për të folur për të kaluarën dhe është e nevojshme të shohim përpara”, u shpreh Galliani.
Silvio Berlusconi dhe Adriano Galliani morën këtë vit në zotërim klubin e Serisë C Monzën.
