Antonio Conte ka refuzuar të takohet me drejtuesit e Chelseat dhe insiston se do t’i hedhë në gjyq për pjesën e mbetur të rrogës, raporton Sky Sports News. Italiani, i cili së fundmi ka refuzuar ofertën e Real Madrid, mendon se duhet të paguhet për kontratën që ka firmosur, pas shkarkimit në verë.
Chelsea është munduar të rregullojë një takim ballë për ballë me Conte-n për të gjetur një zgjidhje pa hyrë në gjyq, por ai ka refuzuar të jetë pjesë e këtyre takimeve.
Conte kërkon t’i jepet 10 mln euro dëmshpërblim përveç rrogës 12 mln euro, pra ai do që ish-klubi i tij t’i japë 20 mln euro.
Chelsea ka refuzuar ta paguajë atë shumë për shkak të sjelljes së tij teksa ishte në klub, duke përfshirë trajtimin që i bëri Diego Costa-s, mungesa në evenimentet e sponsorëve, ardhja vonë në konferencat e shtypit dhe parkimet e gabuara në qendrën stërvitore.
