Pep Guardiola ka insistuar se Manchester City nuk do të nënshkruajë me asnjë lojtarë gjatë afatit kalimtar të janarit.
Trajneri spanjoll ka thënë se është i kënaqur me skuadrën që posedon.
“Jo. Në janar jo”, Është përgjigjur Guardiola në pyetjen se a do të ketë blerje në afatin e janarit.
“Jo, jo. Ne nuk do të shpenzojmë për askënd. Jam shumë i lumtur me skuadrën, lojtarët janë duke u kthyer nga lëndimet, kështu që jo, jo”.
Manchester City luan sot si mysafir ndaj West Hamit në kuadër të Premierligës duke filluar prej orës 16:00.