Juventus e ka nisur shumë mirë sezonin në të gjithë kompeticionet. Në kampionat udhëheqin të parët, ku në 12 ndeshje kanë vetëm 1 barazim dhe të gjitha fitore, kurse në Champions League udhëheqin grupin me 9 pikë.
Megjithatë drejtuesit e klubit nuk ndalen me kaq dhe kërkojnë të sjellin në Torino Aaron Ramsey, i cili nuk e ka rinovuar kontratën me Arsenalin dhe në fund të sezonit do të jetë me parametra zero.
Sikurse raportojnë mediat përtej Adriatikut, kampionët e Italisë janë të gatshëm ta paguajnë lojtarin 10 milionë euro në sezon, për ta patur në organikën e tyre, pasi padyshim do të ishte një përforcim shumë i mirë në mesfushën bardhezi.
