Burri është koka, qafa që e lëviz atë është gruaja…Kjo është shprehja e cila mund të përkufizojë marrëdhënien mes një burri dhe një gruaje, por gjen vend edhe sa i përket botës së futbollit.
Kthimi gjithnjë e më i mundshëm i Zlatan Ibrahimoviç në Itali mund të lidhet ngushtë edhe me dëshirën e Helena Seger, e cila është e dashuruar me qytetin e Milanos. Bashkëshortja e suedezit kujdeset me kohë të plotë për familjen dhe gjithmonë ka ndjekur dhe këshilluar Zlatanin në zgjedhjet e tij. Ndoshta pas zgjedhjes për t’u kthyer në Europë, pas një viti të mbarë në SHBA, ka dorë bashkëshortja e tij.
Por Zlatan nuk do të ishte as i pari dhe as i fundit, që “i bindet” bashkëshortes. Më poshtë do ju sjellim një listë të grave që influencojnë të futbollistët sa i përket lëvizjeve në merkato…nuk bëhet fjalë vetëm për bashkëshortet, por edhe për nënat.
Kristen
Një nga rastet më sensacionale është ai i Andriy Shevchenko. Chelsea e mori atë me një operacion që la një shije të hidhur te kuqezinjtë, aq sa Berluskoni e quajti atë një “qen të bindur” pas gruas së tij. Duket se pas “po” së dëshpëruar të Shevchenko për t’u larguar nga Milan, qëndronte vullneti i bashkëshortes së tij, Kristen.
Fiorella
Jo vetëm gratë, por edhe nënat. Dhe në këtë kuptim, tifozët e Romës nuk do të jenë kurrë në gjendje të falënderojnë mjaftueshëm znj. Fiorella, kur me një “jo” të sjellshme, por të vendosur, bllokoi largimin e Francesco Totti drejt Milanit.
Veronique
Tek Juventus, tifozët nuk kanë një kujtim të bukur nga Veronique e ëmbël, por shumë e vendosur. E lodhur nga mjegulla e Torinos, në vitin 2001, ajo ndikoi në transferimin e Zidane te Real Madrid. Shakaja e Agnelli do të mbahet mend gjatë: “Në shtëpinë e Zidane, është gruaja ajo që vesh pantallonat”.
Barbara
Në Milano, gratë kanë shumë ndikim. Galliani ka mbyllur operacionin Tevez, por duhet të sakrifikojë Paton. Por Lady Barbara nuk ka dëshirë që i dashuri i saj të largohet nga Italia për Paris Saint-Germain. Dhe kështu braziliani mbetet në Milano. Ndërsa Tevez shkon në Torino … tifozët e Juventusit e falenderojnë atë.
Victoria
Victoria ka pasur gjithmonë shumë ndikim në zgjedhjet e David Beckham. Kur lojtari largohet nga futbolli evropian, Victoria nuk kishte ndërmend të kalonte oqeanin sepse ishte shumë rehat në Madrid.
Melissa Satta
Melissa nuk ishte e kënaqur të jetonte në Ruhr, Gjermani, pavarësisht kontratës së pasur të Boateng. Melissa e shtyn të largohet dhe pati sukses. Destinacioni? Las Palmas- ngrohtë dhe me diell. Dhe pastaj kthimi i shumëpritur në Itali.
Elizabeth
Vieri pas një viti të Interit, siç është shkruar në autobiografinë e tij, kishte mundësinë të kthehej te Lazio. Kur thirrja erdhi, ai filloi të mendonte për këtë ofertë, por së bashku me Elisabetta Canalis; tashmë të fejuar.Ajo shprehu shqetësimin e saj për rikthimin në Romë, duke theksuar se ka punën në Milano dhe Bobo nuk e mendoi dy herë: qëndroi te Inter.
Wanda
Bashkëshorte dhe agjente. Wanda ka një ndikim të dyfishtë te Maurito Icardi. Pas çdo vendimi të yllit të Inter, jo vetëm për karrierën, qëndron bukuroshja Wanda.
