Milani dhe Lacio u ndanë në një barazim 1-1, në sfidën e javës së 13-të në Seria A. Goli i zhbllokimit u shënua nga Frenk Kesi, në minutën e 78-të të takimit, një rast ku Tomas Strakosha nuk mund të bënte asgjë, pas devijimit që topit i bëri Uallas, mbrojtësi i gjendur përpara tij.
Por, teksa Milani po shkonte drejt 3 pikëve që do i sillnin zonën Champions, mendoi Korrea, që me një goditje tokazi në minutën e 94-t, la të shtangur Donarumën dhe të gjithë “Djallin”. Me këtë barazim, Lacio mbetet në vendin e katërt, me 23 pikë, ndërsa Milani një vend më poshtë, me 1 pikë më pak.
