Imagjinojeni ta shënoni golin e parë profesional në ndeshjen më të madhe në ligën elitare në vendin tuaj. Tani, imagjinojeni ta bëni këtë në moshën 14-vjeçare.
Kjo ëndërr e pamundur u bë realitet për Fernando Ovelarin të dielën, transmeton Gazeta Express.
Fernando Ovelar made his pro debut last week and today he scored his first goal for Cerro Porteño in Paraguay's clasico vs Olimpia. He became the youngest player to score in Paraguay's clasico with only 14 years old !!! 👏👏👏 pic.twitter.com/ioXYOsFUnr
— Kelvin Galvez (@CoachGalvez) November 5, 2018
Ovelar, i cili pas dy muajve i mbush 15 vjet, e realizoi golin e parë për ekipin Cerro Porteno në super duelin e ligës elitare të Paraguait kundër rivalit të moçëm Olimpia.
Ai e shënoi golin e parë një javë pasi e bëri debutimin zyrtar për klubin.
Nestor Camacho, i cili e shënoi golin e barazimit për Olimpia në barazimin 2-2, është 31-vjeç, dy herë më i vjetër se Ovelar.
Ovelar është lojtari më i ri që paraqitet në ligën elitare të Paraguait, por jo 14-vjeçari i parë që shënon gol në futbollin profesionist.
Amerikani Freddy Adu – i cili cilësohej si Pele i ri – ishte vetëm 14-vjeç kur e shënoi golin e parë për DC United në Major League Soccer. /Express/