Ndërkohë që rikthimi i suedezit gjigant, Zlatan Ibrahimovic në Seria A të Italisë, përflitet të jetë gjtihmonë e më pranë, përjashtohet tashmë thuajse kategorikisht shansi që ai të veshë një fanellë të re, në përpjekjen për tu ribashkuar me ish-trajnerin e tij te PSg, Carlo Ancelotti, tashmë në krye të pankinës së Napolit.
Tashmë ngjyrat kuqezi duket se janë shumë pranë suedezit Ibrahimovic. Sipas “RAI Sport” të kaltërit e Napolit nuk kanë asnjë qëllim që të investojnë për një sulmues në merkaton e janarit, ndërkohë që do të tentojnë të përforcohen në repartin ofensiv vetëm gjatë verës së ardhshme. Kështu që thuajse shuhen të gjitha shanset për të riformuar atë dyshe Ancelotti-Ibrahimovic, që aq mirë funksionoi në Francë, te PSG.
