Toronto ruan kreun e renditjes në Konferencën e Lindjes pas fitores 93-91 ndaj Orlando në sekondat e fundit. Një përballje emocionuese dhe me rivalitet mes dy ekipeve, ku në periodën e fundit loja ishte shumë dramatike. Fournier realizoi 27 pikë për vendasit, por që s’mjaftuan për të evituar humbjen, ndërsa për kanadezët u dallua Leonard me 18 pikë.
Me vështirësi fiton edhe Portland, që mundi 118-114 neë York jashtë fushe. Miqtë zhvilluan një period të katërt të shkëlqyer, duke përmbysur nju-jorkezët që ishin afër fitores, por gabuan në fund. McCollum me 31 pikë e Lillard me 29 ishin dy liderët në fushë për Portland.
Humbje e papritur për Clippers, që pas 5 fitoresh ndalin hapin e tyre. Washington fitoi 125-118 ndaj ekipit kalifornian një ndeshje e dominuar nga vendasit, ku Wall realizoi 30 pikë e Beal 27, duke i bërë të pavlefshme 29 pikët e Harris për Clippers. Fiton edhe Brooklyn, që mundi 104-92 Miami, sfidë me luhatje nga të dyja ekipet, me Russell që realizoi 20 pikë për miqtë (52 pikë erdhën nga lojtarët e stolit).
NBA – Rezultatet
Orlando – Toronto, 91-93
Washington – Clippers, 125-118
Miami – Brooklyn, 92-104
New York – Portland, 114-118
