Basketbollisti shtatlartë i skuadrës së Washington Wizards, Dwight Howard, rrezikon të mos luajë shumicën e sezonit 2018-2019 në NBA, për shkak të një dëmtimi, që do ta çojë javën e ardhshme drejt një ndërhyrje kirurgjikalë në këmbën e djathtë. Lajmin e ka konfirmuar gazetari i njohur i ESPN, Adrian Wojnarowski, që thotë se me 99% lojtari do t’i nënshtrohet operacionit.
Problemi në këmbë e shqetëson lojtarin që në ndeshjet e para të sezonit, por ai ka vijuar të luajë, ndërkohë që tani dëmtimi është bërë më i rëndë, duke mos e lejuar që të luajë rregullisht. Në rast se Howard vendos t’i nënshtrohet operacionit, ai pritet të mungojë në pjesën më të madhe të sezonit dhe Washington humbet lojtarin e saj më të mirë.
Dwight Howard, 32 vjeç, është një nga qendrat më të mira të dekadës së fundit, i ardhur te Wizard në merkaton e verës së këtij viti nga Charlotte. Para se të marrë vendimin përfundimtar të kryerjes së operacionit, lojtari do të takojë edhe një mjek specialist në Los Anxhelos gjatë kësaj fundjave.