Blloku i shteteve ballkanike Bullgari, Rumani, Serbi dhe Greqi kanë shfaqur ambicien për të organizuar së bashku Kupën e Botës së 2030. Në një takim në resortin Varna në Bullgari në brigjet e Detit të Zi, kryeministrat e katër vendeve shpallën kandidaturën për të organizuar Kupën e Botës pas 12 vitesh.
Nuk është hapur akoma gara për organizimin e Botërorit të 2030, por deri tani janë shtuar edhe kandidatura të tjera përveç Ballkanit. Vendet e Amerikës Jugore Paraguaji, Argjentina dhe Uruguaji dëshirojnë që Kupa e Botës të zbresë në tokën amerikanojugore pas 100 vitesh, që nga organizimi i kompeticionit të parë në 1930.
Krahas tyre është shtuar edhe Anglia që synon të organizojë në bashkëpunim me Skocinë, Uellsin, Irlandën e Veriut dhe Irlandën kompeticionin më të madh të futbollit.
