Humbja 4-3 e Barcelonës ndaj Real Betis do të mbetet gjatë në kujtesën e katalanasve. Trajneri Ernesto Valverde u pa mjaft i irrituar me përpjekjet e pabesueshme të Gerard Pique për të gjetur golin e barazimit në fazat përmbyllëse të ndeshjes.
Me kundërshtarin që kryesonte 4-2 dhe Ivan Rakitic të ndëshkuar me karton të kuq, Gerard Pique u spostua lart në fushë, duke braktisur pozicionin e tij si mbrojtës, çka mund ta thellonte më tej disavantazhin. Ish-trajneri i Athletic Club ishte i dëshpëruar me lojtarin në fjalë, sepse donte të shmangte pësimin e më shumë golave.
Ndërsa ish-mbrojtësi i Manchester United mbeti në pozita sulmuese, Valverde u përpoq t’ia dërgonte mesazhin nga stoli, se duhej të tërhiqej. “Eh Gerard, ku je? Do ta katranosësh përsëri, – dëgjohej Valverder duke i thënë. – Të mos pësojmë tjetër gol, Gerard!”
