“Football Leaks” është një nga sajtet që merret me zbulimet e informacioneve që shumë klube do të donin që asnjëherë mos të bëheshin të ditur. Së fundmi, ky sajt prestigjioz ka bërë publik një lajm tjetër që lidhet me Kilian Mbape.
Në zbulimin e fundit të “Football Leaks” bëhet me dije se Real Madrid ishte gati që të paguante plot 214 milionë euro për Mbapen. Gjithsesi, në vitin 2017, Monako arriti konsensusin me PSG-në, duke e lënë thatë Realin. Në arkat e klubit të Monakos përfunduan 180 milionë euro, por dhe 34 milionë euro të tjera të taksave u morrin përsipër nga ana e kampionëve të Francës.
Arsyeja? Lojtari vetë nuk donte që të largohej nga Franca dhe dëshira e tij e shtyu që të shkonte te PSG-ja dhe jo te Reali i Madridit, edhe pse skuadra e tij nuk donte që ta transferonte te rivalët direkt, flasim për atë edicion.
