Pasi Xherdan Shaqiri arriti t’ia sigurojë fitoren Liverpoolit kundër Manchester Unitedit përmes dy golave të tij, qendërmbrojtësi i Liverpoolit, Virgil van Dijk, e thërriste emrin e shqiptarit përderisa lojtarët ishin duke hyrë në dhomat e zhveshjes.
Liverpoolit i nevojitej fitorja në ndeshjen kundër Manchester Unitedit, të dielën, për t’u kthyer përsëri në vendin e parë në tabelën e Premierligës. Trajneri Jurgen Klopp u shpëtua nga Shaqiri, i cili hyri në ndeshje në minutën e 70-të dhe arriti t’i shënojë dy gola.
Llogaria zyrtare e Liverpoolit i publikon disa video të pamjeve brenda stadiumit Anfield, në kanalin e saj në Youtube, ku shihen lojtarët e Liverpoolit duke e festuar fitoren kundër rivalit dhe rimarrjen e pozitës së parë.
Përderisa futbollistët janë duke u futur në zhveshtore, Van Dijk dëgjohet duke bërtitur: “Shaqa i madh në ndërtesë”.
Pas kësaj disfate, Liverpooli kaloi 19 pikë para Manchester Unitedit. Kjo gjë bëri që Mourinho ta humbë pozitën e trajnerit të Manchester Unitedit dhe tanimë në vend të tij është emërua Ole Gunnar Solskjaer.
Van Dijk shouting ‘BIG SHAQ IN THE BUILDING’ in the tunnel after Man Utd game 😂 pic.twitter.com/AeQgX2zKT6
— James John (@JamesJohn2427) December 18, 2018
