Kategoria Superiore luajti ditën e sotme ndeshjet e fundit të javës së 14-të, dhe renditja e ekipeve merr një formë akoma më interesante. Partizani u ndal nga Flamurtari, por barazimi i Skënderbeut me Tiranën bën që “demat” të mbeten të parët, me 31 pikë, ndërsa korçarët me vetëm 1 pikë më pak.
Teuta dhe Laçi ndjekin me nga 25 pikë, ndërsa Kukësi i pesti me 24 pikë, dhe në vendin e gjashtë renditen vlonjatët me 22 pikë. Fundi mbyllet me 4 ekipe. Luftëtari dhe Tirana gjenden përkatësisht me 13 dhe 11 pikë, ndërsa Kamza dhe Kastrioti me 8 dhe 7 pikë.
