Serie A rifiton vëmendjen e munguar. Në sezonin aktual numri i tifozëve në stadiume është rritur ndjeshëm krahasuar me vitet e kaluara, për meritë edhe të një kampionati që tashmë është më i bukur ka më shumë rivalitet dhe mbi të gjitha skuadrat janë përforcuar me emra të rëndësishëm në merkato.Java e fundit regjistroi mbi 300 mijë persona në stadiume, me një mesatare prej 30.295 tifozësh për ndeshje.
Një numër rekord që konfirmon rritjen e vëmendjes ndaj kampionatit italian.Mbrritja e Cristiano Ronaldos ka dhënë efektet e veta, Napoli është rritur, klubet e Milanos po rikthehen, rivaliteti dhe konkurrenca janë në maksimum, ndërsa ka filluar të tejmbushet dhe stadiumi “San Siro”.
Një shifër e tillë në shkallë nuk regjistrohej që nga viti 2010, është rekord absolut për tre sezonet e fundit, ndërsa trendi është në rritje. Mesatarja e mbi 30 mijë tifozëve për ndeshje regjistrohet për herë të shtatë në 10 sezonet e fundit, ndërsa është hera e parë që ky numër kalohet në fazën e parë të kampionatit. Hera e fundit ka ndodhur në javën e 11 të sezonit 2008-2009.
Mesatarja e tifozëve për ndeshje deri më tani në këtë sezon është 25.448 tifozë për ndeshje, vitin e kaluar ishte 24.634, ndërsa para dy vitesh prekte shifrën e 21.415 tifozëve për ndeshje.Ndeshja me më shumë tifozë e javës së fundit ishte Inter-Frosinone (63.645 tifozë), e ndjekur nga Napoli-Chievo (44.408 tifozë) dhe Juventus-Spal (41.052 tifozë).
