Simulimet e Neymar kanë lënë përsëri shenjë. Këtë herë, pas shpërthimit të trajnerit Klopp në përfundim të ndeshjes së Champions League mes PSG dhe Liverpool, ka ardhur edhe komenti i një prej yjeve më të mëdhenj të botës së kinematografisë.
Në të vërtetë, ka qenë John Arne Riise, ish-mbrojtës i “Të Kuqve”, që ka publikuar në twitter një screenshot të mesazhit që aktori i mirënjohur Leonardo Di Caprio ka postuar kundër brazilianit, fajtor për simulimet e shumta gjatë ndeshjes.
“Isha në stadium për të ndjekur PSG-Liverpool, por u zhgënjeva kur zbulova se nuk isha aktori më i mirë i pranishëm”. Një frazë kjo që i referohet pikërisht sulmuesit të PSG. Në fakt, nuk bëhet fjalë për një mesazh të vërtetë nga ana e amerikanit, por për një photoshop. Gjithsesi, ideja e Riise ka qenë shumë origjinale.