Ngjyrat kuq e zi, e akoma më shumë fanella e Kombëtares Shqiptare të futbollit, duket se pëlqehen edhe nga njerëz që nuk kanë asnjë lidhje me Shqipërinë, madje edhe përtej oqeanit.
Dizajni i veçantë i fanellës së Kombëtares, krijuar për Euro 2016, ka lënë mbresa edhe tek gazetarja e kanalit televiziv kanadez CP24, Patrisia Xhagernauth, e cila teksa raportonte nga kulla e famshme e Torontos, CN Tower, mbante veshur fanellën e Shqipërisë, me numrin 11.
