Kalimi i tij te Liverpuli ishte gati zyrtar, por në fund situata u përmbys dhe Nabil Fekir vazhdon të luajë për Lionin. Por do ta bëjë këtë gjë edhe për pak kohë, sepse është një nga dëshirat e shumë skuadrave të mëdha europiane.
Në garë për këtë futbollist është futur edhe Çelsi, që kërkon të sfidojë Bajernin e Mynihut. Trekuartisti francez, autor i katër golave dhe katër asisteve, ua ka bërë të qartë drejtuesve të Lionit se dëshiron të nisë një aventurë të re verën e ardhshme.
Për të ka nisur që tani ankandi. Te Bajerni e duan me çdo kusht për rinovimin e grupit, por Anglia duket se e josh më shumë francezin, pasi aty kampionati është më i fortë.