Futboll Shqipëri Sport

“TIRANA E KA FITOREN NË XHEP”/ Shikoni si “Macja e zezë” i pret rrugën PARTIZANIT (VIDEO)

Besytnitë pa dyshim që janë pjesë e çdo populli. Për to ende dëgjohet të flitet edhe te shqiptarët. Njëra ndër to është edhe simbolika e “maces së zezë”, kur ajo “të pret rrugën”. Ja një shpjegim për këtë situatë: Nëse je duke e kaluar rrugën, qoftë në këmbë apo me veturë, një mace e zezë ta pret rrugën, atëherë ju duhet të ndryshoni drejtimin, ose të ktheheni, pasi kjo është një shenjë e fatkeqësisë. Në mesjetë, macet konsideroheshin kafshë të shtrigave, kështu që, për të mos pësuar ndonjë fatkeqësi, ato edhe vriteshin.

Në fakt, “macja e zezë” ia ka prerë rrugën edhe autobusit të Partizanit, kur ai po nisej nga hoteli, ku të kuqtë ishin grumbulluar e amoduar para derbit të madh të kryeqytetit, për të shkuar në “Selman Stermasi”. Siç ka fiksuar kamera e “Supersport” rreth orës 16:00, nëse i referohemi besytnisë së mësipërme, Partizani do të ketë probleme.

Të çfarë lloji? Kjo mbetet të shihet, por ajo që u “djeg” më shumë tifozëve të kuq është mos vallë skuadra e tyre e zemrës do ta humbë sonte derbin me bardheblutë, rivalët e mëdhenj historikë? Mos vallë do të marrë fund cikli prej shumë ndeshjesh pa fitore në derbi i Tiranës? A ishte “macja e zezë” para autobusit të kuq, një pandehmë që shpie në këtë drejtim?

Sa e sa pyetje mund të ngriheshin mbi këtë video, e cila është hedhur në Facebook nga gazetari i njohur i “Supersport”, Rinald Bregasi, pa një status shpjegues, por që duket se mbart në vetvete dëshirën e tij për triumf bardheblu…

Mirë do të ishte që lojtarët e Partizanit të mos kenë më mundësi fizike dhe teknike për ta parë këtë “mace të zezë”, nëse nuk e kanë pikasur para autobusit, sepse do t’i bënte “vesvesë” gjatë lojës në derbi, do t’i ngarkonte më shumë psikologjikisht.

Related posts

MBROJTJA E BARCELONËS “FUT UJË”/ Pas një aksioni model, Maxi Gomez rihap sfidën ndaj “Katalanasve” (VIDEO)

Delo.autor

TRAJENRI I RI I “DEMAVE”/ Lerda mbërrin ne ambientet e Partizanit (FOTO)

Delo.autor

FITORJA KUNDËR LIHTENSHTEJNIT/ Mancini: Mision i përmbushur, por Balotelli…

F.autor

Leave a Comment