Kristiano Ronaldo ende mund të fitojë Topin e Artë, pavarësisht se Modriç fitoi FIFA ‘The Best Player’. Ky vit kalendarik i buzëqeshi kampionit portugez, i cili shënoi 35 gola në 34 ndeshje.
Asnjë nga konkurrentët e tij të drejtpërdrejtë (Grizman, Mbape, Mesi dhe Modriç) nuk kanë një mesatare kaq të mirë. Ylli portugez ka fituar Ligën e Kampionëve me fanellën e Real Madridit, ndërsa lojtarët francezë kanë fituar Kupën e Botës.
Grizman me Atletikon shënoi 26 gola në 43 ndeshje, ndërsa Mbape shënoi 21 gola në 33 takime për PSG. Këtë vit, për herë të parë në 11 vite, dinastia e Mesi-Ronaldo mund të rrëzohet. Lojtari i fundit që fitoi çmimin përveç dy lojtarëve më të mirë në botë ishte Kaka.
“Unë e kam thënë atë disa herë, duke fituar të gjashtin nuk është një synim i imi. Unë e di që unë jam një nga futbollistët më të mirë në histori dhe do të më pëlqente ta fitoja sërish.
Unë punoj çdo ditë për të shënuar gola dhe për të fituar ndeshje dhe mendoj se e meritoj Topin e Artë”,- tha Ronaldo për “France Football”.
