Pas fitores së arritur javën e kaluar përballë Partizanit, Skënderbeu do të pres ditën e sotme në shtëpi Kastriotin. Një ndeshje e lehtë në letër me krutanët që ndodhen në vendin e fundit në klasifikim. Në kampin korçarë nuk dëshirojnë të nënvlersojnë kundërshtarin dhe kërkojnë fitoren.
Por duke parë që do të luhet sërish ndeshje në mesjavë trajneri Shehi ka menduar për një rrotacion në sfidën e sotme. Ndryshimet priten të jenë të shumta, Lulaj dhe Kaba do të jenë titullarë, me Alitin dhe Radas që mund të ulen në stol për të rifituar energjitë. Në mesfushë do të ketë hapsira për Guedj, ndërsa në sulm vlonjati Hoxhaj dhe Oto Xhon do ta nisin përkrah Bregut. Pjesa tjetër pritet të jetë e pandryshuar si në sfidën ndaj Partizanit.
